Ramsa leh nungcha Humhalh dan tur rel

Mizoram sorkarin hriattirna a chhuah angin, Serchhip District Wildlife Crime Control Unit chu nimin khan an chairman, SP Lalringdika hoin a pisa-ah an ṭhukhawm.

Meeting-ah hian member secretary North Vanlaiphai DFO, Thenzawl DFO, 10th Assam Rifles Commandant leh 166th BSF Bn. Commandant-te an tel a, Serchhip district chhunga dan lo anga ramsa leh nungcha kah/man leh hralh chungchanga hmalak dan tur hrang hrang a duang.

Meeting thurelte:

4District chhunga police station zawng zawngah officer-in-charge-te kaihhruaina hnuaiah Wildlife Crime Control Squad din a ni ang. Wildlife Crime Control Squad-te hian an bial chhungah thla thum chhungin a tlem berah vawikhat tal patrolling an nei ang a, SP hnenah quarterly report kimchang an pe ang.

4Patrolling neihna hmun tur leh chet lak dan tur chu bialtu range office leh police station tina officer-in-charge ten an lo ruahman ang.

4District chhunga BSF leh Assam Rifles leh security force dangte pawh dan lo anga ramsa kah, man leh sumdawnna atana hman ṭhin ven leh man chhuah kawngah theihtawp chhuah tura ngen an ni. Quarterly report pawh SP hnenah an pe ṭhin ang.

4National Wildlife Week leh hun remchang apiangah mipuite hnena zirtirna (Awareness Campaign) uar taka neih ṭhin tur a ni.