KHAWTHLIR

Sipai la dawn

Mizoram sorkar chuan thuchhuah siamin, November, 2016 chawlhkar hmasa berah hian Rajiv Gandhi Stadium-ah sipai lak runpui neih a ni dawn tih tarlangin, "Intlar duhte tan www.joinindianarmy.nic.in website-ah registration tih tur a ni a, application form chu September 2016-ah website-ah hian tarchhuah a ni ang. He hna dil tumte chu HSLC passed chin an ni tur a ni," an ti.

Thisen pe

Hnahthial Penial Branch YMA chuan an kum 25 (silver jubilee) tlin pual-in July 11, 2016 khan Lunglei Civil Hospital tan thisen unit 61 an pe a, a petute mipa 45 leh hmeichhia 16 an ni.

NeGP-A sawiho

NeGP-A State Empowered Committee chu Agriculture secretary Lalhmingthanga hoin nimin khan a pisa-ah an ṭhukhawm. Lalhming-thanga chuan NeGP-A chu agriculture leh allied department hnuaia kuthna-thawktuten ICT hmanga an hriat tur ṭul leh pawimawhte rang taka an lo hriat zung zung theihna tur a nih thu a sawi.

NLUP sem

Agriculture dept. chuan, nimin khan Lunglei DAO conference hall-ah an department hnuaia NLUP trade thlangtute hnenah ṭanpuina sum an sem. Ṭanpuina hi Lung-lei Circle huamchhunga WRC-I, WRC-II leh oil palm chin thlangtu mi 94-te hnenah cheng nuai 10.3 sem a ni.

Result chhuak dawn

Mizoram Board of School Education (MBSE) chuan, vawiin chhun dar 12:15 hian HSLC leh HSSLC (Compartmental) Examination 2016, result a tichhuak dawn a, an office-ah leh an website www.mbse.edu.in ah en theih a ni ang.

Literacy awarness

Open Doors bultumin nimin khan Bilkhawthlir North V/C House-ah Financial Literacy Awareness Programme (FLAP) buatsaih a ni a, Kolasiba NARBARD leh bank hotute'n mipuite thil pawimawh hrang hrang an zirtir.