NEDP-in market economy-ah Mizoram hruai luh a tum a ni - CM

New Economic Development Policy (NEDP) Core Committee chu Thawhṭanni khan chairman, chief minister Lal Thanhawla hoin a pisa-ah an ṭhukhawm. Lal Thanhawla chuan NEDP chuan Mizoram chu market economy-ah hruai luh a tum thu a sawi.

Chief Minister chuan NEDP chu NLUP hrin chhuah a ni tih sawiin, "He policy hian mithiamte fak a hlawh chho hle a, mipuite pawhin beiseina sang tak nen a thlir mek a ni. NLUP aṭanga hlawh-tlinna hrang hrang hmuten nasa zawka hmasawnna atana ke an pen theihna hmanrua a nih dawn. NEDP hian Mizoram chu subsistence economy aṭanga market economy-a hruai luh a tum a ni," a ti.

Meeting-ah hian NEDP hnuaia kum 2016-17 chhunga sector hrang hranga sum ruahman leh hmanna tur duan lawkna draft sectoral component wise allocation leh he mi hun chhunga public policy reforms agenda hlawm ruk chhawpchhuahte sawiho a ni.

NEDP draft sectoral allo-ca-tion chungchang sawi hawn-na neih a nih hnuah, Core Committee member-te chuan sectoral allocation lo duan lailawk sa (draft) sawi zauin, an ngaihpawimawh zual ṭhenkhate an sawi lang.

Kum 2016-17 chhunga NEDP special projects atan mi-pui mamawh hrang hrang phuhru thei turin Chief Minister Rural Housing Scheme te, Referral Hospital tihchangtlun te, Aizawl City Road Junctions Improvement te, Development of New Secretariat Complex te, Strengthening of Legal Metro-logy-te leh Drugs and Foods Safety atana ruahmanna tih-chakte ruahman turin pawm a ni.

Meeting-ah hian Agriculture minister R Lalzirliana, Finance minister Lalsawta, Industries minister H Rohluna, UD&PA minis-ter Zodintluanga, Horti-culture minister PC Lalthanliana, State Planning Board vice chair-man H Liansailova, chief se-cretary Lalmalsawma, secretary to chief minister Lal Ramthanga leh Planning secretary Dr. C Vanlalramsanga te an tel.

NEDP hnuaia kum 2016-2017 chhunga key growth drivers projects leh schemes turte :

• Agriculture/horticulture link road pawimawh ruahman

• Agriculture leh horticulture hnuaia thlai/thei kum khata thar chhuah theih domestic market a mamawh zual phuhru tur leh high value thei thar chhuah tur ruahmant.

• Kuthnathawktuten an tharchuah an hralhna tur market yards siam te, rice mill din te, handloom export promotion facility ruahmante leh industry lama skills development centre ruahmante.

• Entrepreneurship development scheme ruahman.. Start up business support pek theihna tur programme ruahman.

• Improvement of infrastructure in villages.

• Improvement of infrastructure in city and towns.

• District hospital thuam ṭhat leh khawl pawimawh zual dah.

• Higher secondary school leh models school atana additional class room ruahman.

• Tourists facilitation ṭha zawk a kalpui dan tur ruahman.

• MLA constituency hnufual bikah inkalpawhna kawng thuamthat chungchang.