England vawkte man sawifiah

Animal Husbandry & Veterinary (AH&Vety) department chuan thu­chhuah siamin, England aṭanga vawktê an lak luh tur man zat, Rs. 98,000 tih chu vawkte man chauh a nih loh thu an tarlang.

AH&Vety department tarlan danin, Rs. 98,000-ah hian vawkte man bakah, England aṭanga thlawhnaa phurh man te, India ram a thlen hnua quarantine shed-a thla khat chhung an hriselna enfiah hun chhunga awm mante leh an chaw man te, labour charge te, Customs & Excise duty-te leh Delhi/Mumbai aṭanga Aizawl phurh thlenna mante a tel a ni.

Kum 1999-ah Aus­tralia aṭangin vawktê 120, pakhat Rs. 65,000-a lak luh a nih tawh thu sawiin, AH&Vety chuan, "Khatih hun laia US dollar exchange rate leh tuna mi dinhmun nena khaikhin chuan, tuna leina hi a tláwm zawk a ni," an ti.