Zirlai pakhata Rs.10 zel latu a hna aṭanga chawlhtir a ni

Nimina Assembly session-ah MNF member Lalrinawma'n Aibawk BRC-a coordinator-in sikul naupangte uni­form man tur aṭangin naupang pakhatah Rs. 10 zel a pawh ṭhen thu a sawi chhuak. School Education minister H Rohluna chuan, BRC-a coordinator chu a hna aṭanga chawlhtir tawh a nih thu House a hrilh.

Lalrinawma hian Aibawk BRC-a coor­di­na­tor-in sikul nau­pangte uniform man tur semah Rs. 10 zel a lo lak thu a sawi a, School Education minister chu chhui chiang turin a ngen a ni.

School Education minister chuan, MLA Lalrinawma thusawi chu an ngaih thutak thu sawiin, an lo en zui tur thu a sawi a; a hnuah coor­dinator chu a hna aṭanga chawlhtir a nih tawh thu House a hrilh leh a ni.