Kolasibah NLUP tuaitharna hun hmang

Nimin khan Kolasib Diak­kawn YMA hall-ah NLUP tuaitharna hun 'NLUP Revitalization Programme' hman a ni a, State Planning Board vice chairman H Liansailova'n a hmanpui.

H Liansailova chuan NLUP hmangin Zofate chhan chhuah an nih dawn thu sawiin, "Chumi atan kan tih ve tur chu, thawhrimna leh rinawmna nen kan sum dawn leh thildang dawnte kan hman ṭangkai a ngai. NLUP hmangin intodelh kan tum ang a, truck-in buhfai a rawn phur lut a, a ruaka haw leh tawh lo turin ṭan kan la ang," a ti.

NLUP tuaitharna hun hi addl. DC Lalfela Sailo in kaihruaiin, parliamentary secretary K Lalrinthanga leh Hmingdailova Khiangte bakah PC Zoram Sangliana, MLA te pawh an tel.