CM-in MZU kawng siam a sawifiah

PWD changtu, chief minister Lal Thanhawla chuan MNF member Lalruatkima zawhna chhangin, Vaivakawn-Mizoram University kawngpui siamah, kawng laih zauh hna thawh zawh tawh a ni a, kawng chhuat siam hna (pavement) erawh chu 83% zawh tawh a nih thu House a hrilh.

CM Lal Thanhawla'n a sawi danin, Vaivakawn-MZU kawng siamna atana sum dah chu cheng vbc. 19.07 a ni a, chuta ṭang chuan vbc. 7.82 hmuh tawh a ni. Kawng zauhna (widening) atan vbc. 2.99 ruahman niin, vbc. 1.77 pek tawh a ni a; pavement atan vbc. 9.15 ruahman niin, vbc. 2.44 pek tawh a ni.

Kawng zauh hna chu GP Project Pvt.Ltd. in an thawk a, December 12, 2012-a zawh tura tih a ni. Pavement hna thawktu chu Sunshine Overseas Pvt.Ltd. niin, thawh zawh hun tur chu November 30, 2013 a ni a; mahse km. 1 chuang hret la thawh zawh loh a nih avangin, March 16, 2015 khan an thawh chhunzawm a rin thu, Lal Thanhawla chuan a sawi.

Lal Thanhawla sawi danin, Vaivakawn-MZU kawng siama permanent work chu 95% zawh a ni tawh a, sum hmuh turte a hun taka hmuh a nih loh avangin a hunah zawh theih a ni lo.