April 30-ah JB College Building zawh fel tum

PWD changtu, chief minister Lal Thanhawla chuan MNF member Dr K Beichhua zawhna chhangin, Lungleia JB College building sak nan cheng nuai 142.50 ruahman a nih thu a sawi a, April 30, 2015-ah zawh fel tum a nih thu House a hrilh.

CM Lal Thanhawla chuan, JB College satu contractor chu class-I Lal­chhuanmawia, College Veng, Aizawl a nih thu a sawi a, estimate cheng nuai 142.50 aṭangin nuai 53.63 hmuh tawh a nih thu sawiin, "97% sak zawh tawh a ni," a ti. Tunah hian civil work zawh tawh a ni a, sum awm tawh loh vangin electrification la tih loh a nih thu leh, sum hmuh leh huna zawh tum a nih thu a sawi bawk.