Ramhlun venga hna thawh 23.6% zo tawh

Disaster Management & Rehabilitation minister C Ngunlianchunga chuan MPC member Lalthanliana zawhna chhangin, Ramhlun Vengthar leh Ramhlun Sports Complex venga leimin tihnêpna atana hna thawh chu a pumpuiah 23.6% an thawk zo tawh anga chhût a nih thu a sawi.

C Ngunlianchunga chuan, Ramhlun Veng­thar leh Ramhlun Sports Complex-a leimin tur venna leh a tuartute chhawmdawl hna thawh chu hlawm thumah ṭhen a nih thu a sawi a; phase-I ah 89.5% zo tawhin, a pumpuiah 23.6% zo tawh anga chhût a ni tih a sawi.

DMR minister sawi danin, hna thawh zawh hun tura ruahman chu - phase-I ah kum 2013-14, phase-II ah kum 2014-15 leh phase-III ah kum 2015-16 a ni.