Chhiarpuia mihring zat aiin Ration card-ah mihring an tam

Food, Civil Supplies & Consumer Affairs minister John Ro­tluangliana chuan, Mizoramah family ration card-a hming chuang zat chu mi 15,91,533 an nih thu House a hrilh. Hetih lai hian, kum 2011 chhiarpuia Mizorama mihring cheng zat chu 10,97,206 a ni a; chhiarpuiah aiin ration card-ah mi 4,94,327-in a tam zawk a ni.

Supply minister John Rotluangliana sawi dan­in, tun dinhmunah Mizoramah APL-ah ration card 2,11,784 awmin, mihring 12,76,657 a ni a; BPL-ah ration card 41,900 awmin, mihring 1,99,143 an awm a, AAY-ah ration card 26,100 awmin, mihring zat chu 1,15,733 a ni. APL, BPL leh AAY-a ration card zawng zawng zat chu 2,79,784 a ni a, mihring zat chu 15,91,533 a ni.