Sorkarin provisional employee-te an hlawh a khawl ṭhensak dawn

Mizoram sorkar chuan provisional employee-te chu an hlawh/lawmman aṭangin an chhuah huna an lak chhuah tur atan pawisa a khawl ṭhensak dawn.

Mizoram sorkar chuan Mizoram Provisional Employees Savings Scheme, 2024 a hmang ṭan tawh dawn a, hei hi provisional employee-te an hlawh khawl ṭhensakna tura duan a ni. Hei hian Finance department leh DPAR pawmpuia chhawr zawng zawng a huam ang.

Ruahman dan chuan, provisional employee-te hlawh aṭangin a tlem berah 5% lak ṭhen a ni ang a, khawlsak a ni ang. Provident fund danga tih ṭhin, mi ruaitu (employer)-in an do letna ang erawh Mizoram sorkarin a dah dawn lo. Pawisa khawlsak tling khawm chu dah ngheh an nih emaw, an chawlh hunah emaw, bàn an nih emaw, an bân emaw, an thih emawin lak chhuah theih a ni ang.

Provisional employee-te chuan an duh chuan sorkarin an hlawh a khawl ṭhensak chu an la chhuak thei dawn a; mahse, an duh hun hunah leh an duh zat zat lak chhuah erawh a theih dawn loh. An service chhungin sum tling khawm mek zat aṭanga 25% aia tam lo ṭum hnih an la chhuak thei dawn a; kum 5 an thawh tlin hmain lak chhuah theih a ni dawn lo bawk.