Mizoram VC dan thar sawiho a ni

Local Administration Department (LAD) minister C Lalsawivunga kaihhruaiin nimin khan Secretariat conference hall-ah sorkar hotu te, political party leh tlawmngai pawl aiawhte'n village council kaltlanga inrêlbàwlna tur, The Mizoram (Village Councils) Bill, 2024 an sawiho.

LAD Minister chuan, thingtlang khuate tihhmasawnna tur te, mahni inrêlbàwl thei tura thuneihna pek leh khawtlang tana hamṭhatna hrang hrangte chak zawka kalpui a nih theih nan The Mizoram (VC) Bill, 2024 ruahman a nih thu a sawi a, "Khawtlang tihhmasawn nana inkaihhruaina tur a nih dawn avangin uluk taka zir chian leh sawiho a ṭul," a ti.

The Mizoram (Village Councils) Bill, 2024-ah hian VC din a nih theih dan te, VC member bituk zat te, VC hruaitu thlan dante leh inthlanna chuh tura thil ngai hrang hrang te, VC thuneihna leh hmasawnna hna thawh kawnga inkaihhruaina leh mawhphurhnate a awm a ni.