MPSC chairman ni thei tawh lo-ah ngai

MNF party chuan thu­chhuah siamin, MPSC chair­man Andrew Lalherliana chu October 7, 1951-a piang a nih thu tarlanna hmuhchhuah belh zel a nih thu an tarlang a, tunah kum 64 mi a nih tawh avangin MPSC chairman a ni thei tawh loa an ngaih thu an sawi.

MNF chuan, MPSC sec­retary Tamlal Lohar-a'n An­drew Lalherliana chu kum 2003 MLA inthlanah a ṭhian­te'n MLA nomination form an fill-up saknaah a pian kum chu October 7, 1951 tiin an ziak a, a bak zawngah chuan kum 1953 a nih thu tarlang mah se, MPSC chairman pian kum sawifiahna chu dâwta an ngaih thu an sawi.

MNF tarlan danin, Mizo­ram Legislative Assembly Li­bra­ry-a vawn ṭhat, First Mizo­ram State Legislative Assem­bly Who's Who 1988-ah chuan 'Mr. Andrew Lalherliana was born on the 7th. October, 1951 at Aizawl Civil Hospital...' tih a ni. Mizoram : Who's Who 1993-ah pawh 'Lalherliana Andrew: Ambassador Pu KC Lalvunga fapa 2-na niin, October 7, 1951-ah a piang a...' tih a ni..

MNF chuan, "MPSC chair­man atana Congress sorkarin An­drew Lalherliana a ruat hi pension-a chhuah hun daih tawh, kum 64 mi niin, chair­man hna zahawm tak hi chelh thei dinhmunah a ding tawh lo... Kum 2008/2009 hian a kum tinaupang chawpin Ex-MLA ID Card hi a awrh ṭhin ni zawkin a lang," an ti.

MNF chuan, Congress sor­karin pastor/reverend ṭang lai MPSC member atana ruat a tum chuan Congress party politics bawlhhlawhzia a ngemnghet niin an sawi a; sakhaw puithiamte chuan sáwmna nazawng pawm dan chin tâwk an thiam theih an beisei thu an sawi bawk.