H1N1 vei damdawi-in aṭangin chhuahtir

Delhi aṭanga Mizorama rawn zin hnam dang, Swine Flu H1N1 vei vanga Aizawl Civil Hospital leh Falkawn Refer­ral Hospital-a enkawl chu Inrinni khan damdawi-in aṭangin chhuahtir a ni a, Inrinni chawhnu khan Mizoram chhuahsanin Delhi an pan nghal.

Referral Hospital-a H1N1 veite enkawlna tur bika pindan siam chu March 20 khan Inte­grated Diseases Surveillance Programme nodal officer Dr Pachuau Lalmalsawma leh thawktu dangte'n an tlawh a, H1N1 damdawi leh a veite enkawltute invenna tur hmanrua ṭhahnem tak an pe a ni.

H1N1 vei Referral Hos­pital-a enkawl mek mi pa­hnihte chuan ṭhat lam an pan zel a; H1N1 vei leh vei loh National Institute of Cholera and Enteric Disease, Kolkata-a enfiah result nghah mek pahnih an nei a ni.