NCC Annual Training Camp nei mek

National Cadet Corps (NCC) 20 Mizoram Battalion chuan State Training Centre, Tanhrilah Combined Annual Training Camp an nei mek a; Aizawl, Champhai, Khawzawl leh Saitual aṭangin sikul leh college-a NCC cadet mi 327 an tel.

NCC Combined Annual Training Camp hi August 29, 2024 khan ṭan a ni a, ni 10 chhung neih tur a ni. Camp hawnna inkhawmah commanding officer Lt.Col. Harish Semwal-a'n fuihna thu a sawi a, CRPF-te'n ralthuam entirna hun an hmang. Camp-ah hian sipai nunphung hrang hrang - field craft, battle craft, drill, weapon handling leh inthununna lamte inzirtir a ni a; nunphung, mahni inrintawkna leh mi dangte nena nunho dante zirho a ni bawk.