AR-in kuhva leh heroin man

Assam Rifles sipaite chuan August 30, 2024 khan Tualcheng pêngah mi pahnih hnen aṭangin ram dang kuhva rah ip 110 an man a, Rs 61,60,000 hu a ni a; Hmunhmelṭha khuaah kuhva rah ip 145 an man bawk a, Rs 81,20,000 hû a ni.

AR sipaite chuan August 30 vêk khan Zokhawthara Ṭiau leiah mi pakhat hnen aṭangin heroin (no. 4) gram 292 (hawng 29) an man a, Rs 2,04,40,000 hû a ni. Heroin an mante hi Zokhawthar Police Station-ah an hlân a; kuhva rahte chu Champhaia Custom Preventive Force hnenah an hlan thung.