Minister-te leh Taiwan zirlaite inkâwm

Taiwan rama Chung Hsing University zirtirtu Prof. Ted Chang leh zirlai 11-te chu Mizoramah an rawn zin a, August 29, 2024 khan Horticulture minister Prof. Lalnilawma pisaah Mizoram sorkara hotu ṭhenkhatte nen an inkâwm.

Chung Hsing University-a zirlaite hi kumin kum tir khan Horticulture Minister leh department official-te Taiwan-a an zin ṭuma an hmalakna leh inremna bawhzuia rawn zin an ni a; Horticulture Minister pisaa inkawmhonaah hian Taiwan aṭtanga thingpui an rawn ken leh India ram thingpuite hmangin high mountain tea siam dan a takin an entir a ni.

Horticulture minister Prof. Lalnilawma hmalaknain Mizoram Horticulture department leh Chung Hsing University chuan high mountain tea siam leh thei sawngbawlna lamah hmalakho an lo rel tawh a; Chung Hsing University-a thawktu leh zirlaite chuan Mizoram thingpui hmanga Taiwan thingpui man to, high mountain tea siam theih a nih leh nih loh an lo zir chiang tawh a ni.

Minister pisaa inkawmhonaah hian minister C Lalsawivunga, Horticulture director CH Lalmuanpuia leh officer dangte an tel a; Thenzawla College of Horticulture dean Dr Shri Dhar leh a thawhpuite pawh telin, Chung Hsing University nen thawhho theih dan kawng zawn an tum tih sorkar thuchhuahin a tarlang.