Aizawlah ropeway 5 siam tum a ni

Urban Development and Poverty Alleviation (UDPA) minister K Sapdanga chuan, Aizawl khawpuiah mipui veivahna a awlsam zawkna turin hmun pangaah ropeway siam tuma hmalak mek a nih thu a tarlang.

UDPA Minister hian August 20-21, 2024 chhunga Legislative Assembly session-ah Champhai North bialtu ZPM member H Ginzalala zawhna ziakin a chháng a; mipui veivahna atan Aizawlah ropeway siam turin ruahmanna kalpui mek a nih thu leh tunah chuan zawh a la nih loh thu a tarlang a ni.

K Sapdanga chuan, Ropeway project atana a tih theih dan zirchianna/enfiahna (feasibility study) hi Aizawl Sustainable Urban Transport Project hnuaiah neih mek a ni... Zirchianna neih mek a nih avangin hna ṭan hun tur sawi theih a ni rih lo. Ruahmanana siamte zawh a nih hnuah state sorkar, DEA leh ADB-te'n enho a, la sawiho leh tur a ni," a ti.

ROPEWAY STATION TURA RUAHMANTE
1. MZU - Lawipu - MINECO - PUC - Mualpui
2. Cancer Hospital, Zemabawk - Ramhlun - Hunthar - Solomon's Temple - MZU
3. MZU - Sairang
4. Durtlang - Chaltlang - Vaivakawn - Khatla - Kulikawn
5. Bawngkawn - Ramhlun Sports Complex - Kulikawn