MLA-in culvert thawm ṭhat mek tlawh

Champhai South bialtu MLA Lt.Col. Clement Lalhmingthanga chuan August 31, Inrinni khan Melbuk leh Zokhawthar inkara Vawmkawlui box culvert lei chim leh lei chê vanga kawngpui kaltlang theih loh lai siam mek a tlawh a; a ṭha thei ang bera thawk tur leh theihtawp chhuah turin thawktute a chah.

Lt.Col. Clement Lal-hmingthanga chuan, Mizoram sorkarin Indo-Myanmar border trade a ngaih pawimawh thu sawiin, "Zokhawthara border trade kaltlanga insumdawn tawnna hmun khâr mekah he lai hmun behchhana ni tina eizawngtute'n harsatna an tawh loh nan ngaihtuahna sèn a ṭul," a ti a; Zokhawthara leiminna hmunte tlawhin, khawtlang hruaitute nen siamṭhat dan tur an sawiho a ni.

Vawmkawlui box culvert chim leh lei chê siamṭhat hna hi Special Assistance to States for Capital Investment (SASCI) 2022-23 sum vbc 13.11 hmanga thawh a ni a, hna thawh tur aṭangin 80% thawh zawh a ni tawh.