NH-54 kawng siam mek endik

Serchhip district bawrhsap Paul L Khuma, Competent Authority for Land Acquisition (CALA) ni bawk chuan August 30, 2024 khan Chhiahtlang, Chhingchhip, Khumtung leh Baktawng Chan In-te a tlawh a, National Highway-54 kawngpui siam mek a endik.

NH-54 kawng siam meka Serchhip district chhung - Chhiahtlang, Chhingchhip, Khumtung leh Baktawng Chan Ina kawng la siam zawh lohte leh tun hnaia ruah sur nasa avanga harsatna awmte DC hian a enfiah a; NH enkawltu National Highway Infrastructure Development Limited hotute leh an hnuaia contractor-te bakah, khawtlang hruaitute'n lo dawngsawngin, mimal/pawl leh contractor-te'n harsatna an neihte an lo thlen a ni.