Kolasib-ah science seminar buatsaih

SCERT Science Promotional Wing leh Kolasib District Education Officer pisa chuan August 30, 2024 khan Kolasib IPR conference hall-ah high school zirlaite pualin Science Seminar an buatsaih. NCERT-in India rama H/S zirlaite intihsiakna thupui atana a thlan, 'Artificial Intelligence - Potentials and Concerns' tih hmangin zirlaite an intihsiak.

District Science Seminar-ah hian Kolasib district-a high school pakua an tel a; St. John Higher Secondary School-a pawl 10 zirlai Grace MS Dawngzeli pakhatna a ni. District level intihsiaka pakhatna hi state level intihsiakah Kolasib district aiawhin a tel ang.