Pawl 6-in thisen unit 271 pe

August 31, Inrinni khan Mizoramah pawl parukin thisen unit 271 an pe. ṬKP, Luangmual Pastor Bial chuan Civil Hospital, Aizawl tan thisen unit 67 an pe a, petute mipa 60 leh hmeichhia pasarih an ni a; KṬP, Chanmari West Chhimveng Branch-in ZMC tan unit 56 an pe a, petute mipa 49 leh hmeichhia pasarih an ni.

Mizoram Gorkha Youth Association, Kolasib Sub-Hqrs-in Kolasib District Hospital tan unit 43 pein, petute mipa 38 leh hmeichhia panga an ni a; ECM KTP, Tipa pastor Bial-in Tipa Vaihpi kohhran hall-ah Siaha District Hospital tan unit 69 an pe a, petute mipa 58 leh hmeichhia 11 an ni. ṬKP, Kikawn Unit member mipa 18 leh hmeichhia palite'n Lunglei Civil Hospital tan unit 22 an pek bakah, KṬP, Serchhip Chhimveng Branch member mipa pariat leh hmeichhia parukte'n District Hospital-ah unit 14 an pe bawk.