Mi inphalte thilpek hlân

Mi inphalte'n Vairengtea Covid-19 vei leh vei loh enfiahna hmuna thawk, frontline worker-te hman tura an pek air cooler pathum chu nimin khan Kolasib additional DC Lallawmawma'n a hmangtu turte hnenah a hlân.

Lallawmawma chuan, Vairengte screening point-a medical team leh police duty-te mamawh tak leisaka petute fakawm a tih thu sawiin, "Heng thilpekte buaipui a, a ṭul anga hmalatu Kolasib District MJA-te hmalakna a lawmawm tak zet a ni," a ti.

Air cooler hi Vairengtea medical officer Dr Zorinsanga leh SDPO Ramtharnghaka te hnenah hlan a ni a, screening point leh police checkgate-ah dah a ni ang.