Hmasawnna ruhrel tha zawka din turin Mizoram sorkarin PPP policy a siam

Mizoram sorkar chuan Council of Minister pawmpuinain, infrastructure (hmasawnna ruhrel) lama hmasawn a nih theihna atan tun hnai khan public private partnership (PPP) policy a siam thar.

PPP policy atana notification tihchhuah aṭanga a lan danin, Mizoram sorkar chuan economic leh social infrastructure lama hmasawnna level leh quality tihsan ngei a tum a ni. Private sector investment hma a sawn theihna leh public assets leh services lama hma a sawn theihna hmanrua a nih beiseiin sokar chuan PPP hi ṭangkai taka hman a tum.

PPP policy kalpuina turah hian Chief Minister kaihhruaina hnuaiah PPP Apex Body din a ni dawn a, Planning Minister chu vice chairman niin, Chief Secretary chu member secretary a ni ang. Member turte chu - Finance Minister, Law & Judicial Minister, Industries Minister, PWD Minister leh project kalpui tura a concern department minister-te an ni ang.

PPP policy tichak turin PPP Empowered Committee pawh Chief Secretary kaihhruaina hnuaiah din a ni dawn a, Planning Secretary chu member secretary a ni ang. Member turte chu Finance Commissioner, PWD Secretary, Industries Secretary, Law & Judicial Secretary leh project kalpui tura a concern department secretary-te an ni ang.

PPP Empowered Committee-te hi PPP Cell-in an pui dawn a, PPP cell hi notification hmanga din tur a ni. PPP Cell-ah hian financial, technical leh legal consultant an awm dawn a, hei hi sorkar ruat tur a ni ang.

PPP policy hnuaiah hian thil chi hrang hrang kalpui tur 18 ruahman a ni a, heng bakah hian PPP Apex Authority-in an pawmpui a nih chuan project leh sector thar tihbelh theih a ni ang.

PPP policy-in a huamte:

ω Kawng, lei leh by passed

ω Inland Water Transport

ω Agriculture production, horticulture, agro processing, floriculture.

ω Wasteland management.

ω Industrial parks, theme parks

ω Water supply, treatment, distribution and collection of tariff.

ω Power generation, transmission and distribution and collection of tariff.

ω Solid waste management.

ω Sewerage & drainage.

ω Tourism.

ω Healthcare facilities.

ω Education.

ω Real Estate Development.

ω Urban Iinfrastructure including entertainment and recreational facilities.

ω Urban transportation systems / improvement of public transport facilities

ω Mining and mineral based industries and infrastructure development in mining areas.

ω Land resources management.

ω Disaster management.