CM hoin NEDP sawiho

Mizoram State Planning Board chu nimin khan Planning conference hall-ah chief minister Lal Thanhawla hoin an ṭhukhawm a, NEDP chungchang an sawiho.

Chief Minister chuan sorkar laipuiin state-te tana sum a ruahman leh a pek dan an thlak danglam dan sawifiahin, "Five Year Plan titawpin Fifteen Year Plan duan tumna a awm mek a ni. Sorkar kum kal dan pawh thlak tumnate a awm meka hriat a ni. Rampum ang leh state-te chu mahni puala Vision 2030 siam tura tih an ni a, tun maiah chuan kum 2017-18 aṭanga 2023-24 aan Seven Year Plan duan turah tih kan ni," a ti.

Planning secretary Dr. C Vanlalramsanga chuan NEDP Core Committee thukhawmin kum 2016-17 chhunga draft sectoral allocation plan siam a pawm leh policy reforms agenda hlawm lian paruk pawm leh rawtna an lo siam tawh chu tarlangin, heng ruahmannate hi sawiho a ni.

Meeting-ah hian State Planning Board member leh special invitee-te chuan NEDP hnuaia sor-kar kum kal mekah sum hmanna lailawk duanah sector hrang hranga sum ruahman leh ngaihdan leh rawtnate an sawiho a ni.

Meeting-ah hian Home minister R Lalzir-liana, Finance minister Lalsawta, State Planning Board vice chairman H Liansailova te an tel.