Ram venhimna chungchang sawiho

Nimin khan chief minister Lal Thanhawla hoin a pisa-ah Mizoram chhunga venhimna chungchangah meeting neih a ni a, international leh state boundary-ah venhimna ngawrh leh uluk zawka kalpui a pawimawh thu sawilan a ni.

Tunhnaia Bangladesh a thil thleng leh ram chhung hmun ṭhen-khata mifirfiakte chet dan mee-ting-ah hian sawi lan a ni, "Tun dinhmunah chuan Mizoram tan hlauhthawn awm tur awm lo mahse security thil reng reng hi ngaihbelh leh inthlahdah chi a nih loh avangin venhimna khawi-htu pawl hrang hrangte inkara thawhhona tha tak neih chhunzawm zel a pawimawh," an ti.

Meeting-ah hian Home minister R Lalzirliana, chief secretary Lalmalsawma, DGP Thianghlima Pachuau, addl. chief secretary Arvind Ray, Home secretary Renu Sharma bakah BSF, Assam Rifles, Special Bureau leh Subsidiary Intelligence Bureau hotute an tel.