Gas man bithliah thar

Food, Civil Supplies & Consumer Affairs chuan thuchhuah siamin, July 1, 2016-a Indian Oil Corporation-in ei-rawng-bawlna gas man a bithliah thar angin Mizoramah gas man bi-thliah thar a nih thu a tarlang.

Gas man tharah chuan, Lengpui tih loh khaw dang zawnga gas distributor-ah domestic gas bûr khat man Rs. 690 a ni a, chuta ṭanga subsidy tur chu Rs. 255.56 a ni. Lengpuiah chuan gas bûr khat man Rs. 676 niin, subsidy zat chu Rs. 243.04 a ni.

Gas hi home deli-very-a hralh a nih dawn chuan rate bituk bakah Rs. 7.53 belh tur a ni a, showroom-a hralh a nih dawn chuan Rs. 18 paih tur a ni thung.