ZoAqua leh Koinonia an man

Legal Metrology hna-thawkte chuan, Mizo-rama mineral water siam chhuah pahnih Zo Aqua leh Koinonia chu a siam-tute'n dan an zawm famkim loh avangin an man.

Thudawn danin, Zo Aqua leh Koinonia hian Packaged Commodities Rules an bawh chhia a, a burah a man zat, manufacturing date leh batch number-te tarlan an ni lo. Hei vang hian Legal Metrology hnathawkte chuan nimin khan Zo Aqua leh Koinonia hi hralh chhuak tawh lo turin distributor an hriattir a ni. Zo Aqua leh Koinonia siamtute hrem dan turah thutlukna siam a la ni lo.

Dan ang chuan Packaged Commodities Rules bawhchhia hi a vawi khatnaah Rs. 25,000 chawitir tur a ni a, an bawhchhiat ngun dan a zirin pawisa chawitir a tam zel bakah jail tang tur thlenga hrem theih a ni.