KHAWTHLIR

Result chhuak

Mizoram Board of School Education (MBSE) chuan, nimin khan High School Leaving Certifcate leh Higher Secondary School Leaving Certifcate (compartmental) result a ti chhuak a, HSSLC-ah chuan mi 550 exam-in 405 an passed. HSSLC-ah chuan arts-ah mi 141 exam-in 111 an passed a, science-ah mi 20 exam-in 15 an passed a, commerce-ah mi pathum exam-in pahnih an passed a ni.

Meizu man

Lawngtlai District Anti-Tobacco Squad te chuan nimin khan CYLA playground, Lawngtlaiah squad drive an nei a, phal lohna hmuna meizu mi 17 manin, dan anga pawisa chawitir nghal an ni.

Lawmpuina hlan

Larsap Lt. Gen. Nirbhay Sharma chuan, nimin khan Mizo zinga Mt. Everest lawn chhuak pahnih David Zohmangaiha leh Lalrintluangite chu Raj Bhavan-ah lengah a sawm a, lawmpuina thilpek a hlan. NSUI pawhin nimin vek khan Mizo hmeichhe zinga Mt. Everest lawn chhuak hmasa ber Lalrintluangi chawimawina hun Congress Bhavan-ah an buatsaih a, lawmpuina thilpek an hlan.

Disaster training

Nimin khan Mamita LAD vonference hall-ah Mamit district chhunga V/C member-te leh tlawmngai pawl hruaitu hrang hrangte tan Seminar-cum-Workshop on Disaster Risk Reduction Traning buatsaih a ni a, DC Lalbiaksangi'n a hmanpui.

Minister-in enfiah

Education minister H Rohluna chuan, nimin khan Serchhip Chanmari Venga DIET building sak leh AOC Venga Education Department Complex sak mek a tlawh a, hnathawh dan a enfiah.

Siaha-ah mock drill

Disaster Management & Rehabilitation dept. leh Siaha District Disaster Management Authority buatsaihin nimin khan Saiha DC office-ah chhiatrupna a thlen thulha chet lak dan entirna 'Mock Drill' neih a ni.