Zirtirtu Code of Ethic kal pel thinte Sorkarin a en liam dawn lo - Education Minister

Education minister H Rohluna chuan, zirtirtu ṭhenkhat social media-ah leh kawng dawnga Code of Ethic kal pel ṭhinte chu sorkarin a en liam mai mai dawn loh thu a sawi.

Nimina Serchhip DC conference hall-ah Education Campaign buatsaihah thu sawiin Education Minister chuan, "Zirtirtu
ṭhenkhat social media leh kawng danga sorkar mawng hlim
chingte, Code of Ethic kal pela mahni duh dana then mai mai ching an awm ṭhin hi a pawi hle. Sorkarin heng ho hi a en liam mai mai dawn lo. Zirtirtu mahni hnaa in pe hmuh tur tam tak an awm a, anniho hi chu ka ngaisangin ka zah hle," a ti.

H Rohluna chuan Mizoramah zirna ṭha zawk a awm theihna atan sorkarin theihtawp a chhuah tih sawiin, "Sorkar ruahmannate a taka kalpui tute chu zirtirtute an ni, zirtirtuten an theihna leh inpekna an lan chhuah tir loh chuan a tak ram kan thleng thei lo," a ti a, zirtirtute chu khaw-tlang zirtirtu, naupangte entawn ber an nih hre reng tur leh, zirlai nu leh pate nena inpawhna tha nei turin a chah.

Hmun hrang hranga sikul leh a thawktuten hasatna an neih-te chu a hriatpui thu sawiin H Rohluna chuan, "Vawi leh khatah an mamawh phuhruk vek thei lo mah ila, a chak thei ang bera an mamawh tih sak zel kan tum dawn a ni," a ti.

Education Minister sawi dan-in, zirtirtu tan in-service train-ing tih tawp a ni tawh a, pre-service training chauh kalpui a ni tawh. Hei hian inzirna nei miah loa naupangte tawngpawng zirtir ve ringawt te, zirtirtu ṭhenkhat training chhuanlama aikal lak tumte a ti tawp vek dawn a, aikal lakna chhan tur chhuanlam zirtirtuten an nei tawh lo.

Education Campaign hi Education director K Lalthawm-mawi-a'n kaihruaiin, Serchhip district chhunga zirtirtu ṭhahnem tak an tel a ni.