Joseph Lalhimpuia’n CLIx hmanrua sem

Parliamentary secretary (Education) Joseph Lalhimpuia chuan, Thawhlehni tlai khan Education conference hall-ah Connected Learning Initiative (CLIx) atan secondary school 30 hnenah hmanrua a sem.

Joseph Lalhimpuia chuan TATA Trust-te'n India rama CLIx a pek zinga Mizoram a tel ve chu a lawmawm thu sawiin, "CLIx programme hi zirlaite ṭanpuitu tur leh hmasawnna tur a ni. Sikula zirtirtute mai bakah department pawhin mawhphurhna a nei. Infiamna lamah Pathianin Mizote talent ṭha tak tak min pe a, chumi avang chuan India ramah kan lang
ṭan. Zirna lamah pawh Pathianin TATA Trust-te hmangin kan neih phak loh hmanraw changkang tak, zirtirna hna thawhna tur min pe a, kan hman thiam phawt chuan nasa takin hma kan sawn phah dawn a ni," ati.

CLIx project incharge Dr. Lalbiakdiki Hnamte sawi danin, CLIx hi secondary school 30 tuamtir phawt a ni dawn. Hmanrua an sem chhuah server hi zirlaite zirna tur module dahna tur a ni a, hemi aṭang hian computer 10 ah zirlaite'n thil an zir thei dawn a ni.