AIDS vangin mi 1,038 thi tawh

Health minister Lal Thanzara chuan MNF member Dr K Beichhua zawhna chhangin, Mizoramah mi 4,57,678-te HIV hrik an pai leh pai loh endik tawh a ni a, chung zinga mi 9,894 chu HIV+ve an nih thu leh, AIDS vangin mi 1,038 an thih tawh thu House a hrilh.

Health Minister chuan, tun din­hmunah mihring zat aṭanga tehin Mizoram chu India ram state zinga HIV vei tam lamah pahnihna a nih thu a sawi a; HIV vei enkawl mek mi 7,188 an awm thu leh Mizorama HIV vei zat chu Mizoram mihring zat aṭanga chhutin 0.67% a nih thu a sawi.

Zawh belhna chhangin Lal Than­zara chuan, HIV/AIDS-ah NGO-te kaltlangin awareness campaign tih zel a nih thu te, sum awm dan azirin hriau thleng (syringe exchange) kalpui zel a nih thute a sawi a; MSACS-a thawkte hlawh regular taka pek zel a nih thu a sawi rualin, "Sum hmuh har vanga khaihlak erawh a awm ṭhin," a ti.