KHAWTHLIR

Thisen pe
Falkawn branch YMA chuan nimin khan Aizawl Civil Hospital tan thisen unit 31 an pe a, a petute hi mipa 26 leh hmeichhia panga an ni.

Vaihlo inzirtir
Mizoram State Tobacco Control Society (MSTCS) chuan, Aizawl SP hnuaia ASI chin chunglam tan nimin khan Aizawl SP conference hall-ah vaihhloin hriselna a tihchhiat dan zirhona an buatsaih a; police officer ṭhahnem tak an tel.

Kawng zawh
Muallianpui South khawtlang chuan an khuaa pitar Ngunhnemi (87), Lalrindika (27), Muallianpui South-in a thah duh loh lantir nan nimin khan an khuaah kawng an zawh a; mi ṭhahnem tak an tel. March 16, 2015-a phûm tawh Ngunhnemi ruang chu Pathianni tlai khan phawrh leha endik a ni.

In kang
Pathianni zan inkhawm hlan khan Mamit district-a Saikhawthlir khuaah in paruk bungraw chuh hman lohin a kâng ral a; mihring thi leh hliam an awm lo a, vawk pasarih leh ar eng emaw zat a kâng hlum. Thu dawn danin, kângmei hi Ronghaka in aṭanga chhuak a ni a, in dang - R Vuana, Sang­lianthanga, Romawia, Lalchhanhima leh Bagan te in man kaiin, an kâng ral vek a ni.

MJA Library pe
MJA Public Library-a dah turin Vincent Pa­chuau chuan a lehkhabu ziah, 'A va hlu em' tih a pe a, a chungah MJA chuan lawmthu a sawi a ni.

Darlawn MO motor
Health minister Lal Thanzara chuan INC member RL Pianmawia zawhna chhangin, motor indaih lohna vangin Darlawn PHC-a medical officer chu motor pek theih a nih rih loh thu a sawi rualin, "IMR grant aṭangin pek tum a ni," a ti.

Office sawn
Mizoram sorkar
chuan thuchhuah siamin, Lunglei High Powered Committee vice chairman office, Assembly Annexe-a awm ṭhin chu Chief Minister's Office-ah sawn a nih thu an tarlang.