Thla 4 chhunga sum hman tur pass

April-July, 2015 chhunga Mizoram sorkar sum hman lailâwk tur Vote on Account cheng vbc. 3,277.22 chu nimin khan Assembly House-ah pass a ni a; kum 2014-15 atana sum indaih lohna phuhrûkna tur cheng vbc. 2,154.90 pass a ni bawk.

Finance Minister chuan kumin April-July chhunga sorkar sumn hman tur leh kum 2014-15 chhunga sum indaih lohna phuhrûkna turte chu March 19, 2015 khan Finance Minister-in House-ah a lo pharh tawh a; nimin khan minister-in sawifiah ngaite a sawifiah hnuah pass a ni.

Niminah vêk khan ex­cess expenditure regula­rise-na tur Supplementary Demand 2010-11 atan cheng vbc. 4.60 leh sup­plementary demand cheng nuai 59.35 chu pass a ni bawk.