RMSA-a thawkte'n chhawr zui phût

Mizoram RMSA Employee Welfare Association chuan, nimin khan RMSA hnuaia laboratory attendant leh clerk-te chhawr zui phûtin Vanapa Hall kawtah an pung khawm.

RMSA hnathawkte chuan, sorkar hotute'n laboratory attendant leh clerk-te chu kum 2015-16 aṭanga chhawr zui an harsat tawh thu an sawi nia sawiin, "Ministry of Human Resources & Development chuan laboratory assistant leh clerk-te hi state sorkar kutah a dah a, bàn mai tura an tihna engmah a awm kan hre lo," an ti.

Laboratory attendant leh clerk mi 366-te dinhmun chiang lo takin an awm a, hrehawm taka an awm mek thu sawiin, RMSA hnathawkte chuan, "A tam zawkte chu nupui fanau châwm, in luah hawh leh an service changchawia loan la an nih bakah, hna dang zawng tura kum over tawhte kan ni hlawm," an ti a; sorkar chu contract basis-a an thawh chhunzawm theih dan tur ngaihtuahsak turin an ngen.