National Drinking Water & Sanitation Awareness Week khâr

March 16, 2015-a hman ṭan, National Drin­king Water & Sanitation Awareness Week, 2015 chu nimin khan Vana­pa Hall-ah khâr inkhawm hman a ni a, parlia­mentary secretary (PHE) Hmingdailova Khiangte-in a hmanpui.

Week khârna hun hi PHE chief engineer Lalmuanzova'n a kaihruai a; Hmingdailova Khiangte chuan, "Mizorama cheng chhungkaw 77%-te hian ek-in kan nei a, hei hi a sang tawk lo. October 2, 2019-ah India rama chhungkaw tinin ek-in an neih vekna turin sorkar laipuiin hma a la mek a ni. Mizoramah pawh chhungkaw tinin ek-in ṭha tak kan neih vek a ṭul," a ti.

Hmingdailova Khiang­te hian week pual­a inelna hrang hrang - slogan, article leh poetry inziah­siaka ti ṭhate hnenah lawm­man a hlan a ni.