Union Minister-in vawiinah Land Custom Station hawng dawn

Zokhawthara Land Custom Station chu vawiin hian hawn a ni dawn a; a hawng turin Union Commerce & Industry minister Nir­mala Sitharaman chuan nimin khan Aizawl a rawn thleng.

Nirmala Sitharaman hi nimin khan Ṭhuampui helipad-ah Trade & Commerce minister H Rohluna hoin mi pawi­mawhte'n an lo hmuak a; tlaiah chief minister Lal Thanhawla nen CM banglaah an inkâwm.

Union Minister hi sorkar laipuia Trade & Commerce joint secretary Ravi Capoor-in a ṭawiawm a ni.

Nirmala Sitharaman hian Land Custom Sta­tion hawng turin vawiinah helicopter-in Zokhawthar a pan ang a, chumi hnuah Delhi a pan zui ang.

Land Cus­tom Station hawnnaah hian chief minister, Trade & Commerce minister leh parliamentary secretary Joseph Lalhimpuia-te pawh an kal dawn a; Myanmar sorkara Trade & Commerce minister pawh tel tura beisei a ni.