SSA zirtirtute'n thla 4 hlawh la lo

Serchhip District Edu­cation Committee chu nimin khan an chairman Juhi Mukherjee, Serchhip DC hoin an ṭhukhawm a; SSA hnuaia hmalakna hrang hrang an thlirlet bakah hmachhawpte an sawiho. Meeting-ah hian SSA zirtirtu hlawh thla li chhung pek tawh loh a nih thu tarlan a ni.

Juhi Mukherjee chuan, School Edu­cation department officer-te chu naupang himna ngai pawimawh tur leh sikul an tlawh apiangin naupangin damdawi an dawn ṭhin­te sem tlak a nih leh nih loh endik ṭhin turin a chah a; naupang leh zirlaite tana him lo sikul building a awm chuan thil dang zawng aia ngai pawimawh hma­sa turin a hrilh.

Meeting-ah hian, SSA atana Ministry of Human Resources Development hnuaia Project Approval Board (PAB)-in kum 2014-15 atana budget a ruahman cheng nuai 813.72 aṭangin nuai 295.59 hmuh a nih tawh thu tarlan a ni.