Chief Minister-in Boxing Training Centre hawng

Chief minister Lal Thanhawla chuan, nimin tlai khan Ramhlun Sports Complex-a cheng nuai 150 senga sak Boxing Training Centre a hawng.

Lal Thanhawla chuan hnathawhnaah ringtu nihna a lang tur a ni tih sawiin, "Kan ram kan hnam rohlu pawimawh tur ṭhenkhatten duhdah taka an sa ṭhin hian rilru a tina. Chutih laia mi rinawm tak tak an awm ṭhin hi a lawmawm hle," a ti a, training centre chu uluk taka vawngfai reng turin a hmang turte a chah.

Boxing Ring dah a nih bakah a hall-te pawh ngaihtuah sak mek zel an nih thu sawiin, boxing lama sulsutute leh hruaitu mi chhuanawm leh mi thiam tak tak an awm chu thlamuanthlak a tih thu a sawi.

Boxing Training Centre hawnna hi Sports secretary Zothankhuma'n kaihruaiin, Sports minister Zodintluanga pawhin thu a sawi.

Boxing Training Centre-ah hian Boxing Ring pahnih, bakah Mizoram Boxing Association office leh camp-na turin mipa leh hmeichhia riahna tur hmun siam a ni.