World TB Day hman a ni

Nimin, March 24 kha World TB Day a ni a, he ni pual hian Be­thlehem Veng YMA Hall-ah leh Bawngkawn Presbyterian Kohhran Hall-ah a thlawna TB en­fiah­­na hun buatsaih a ni.

Bethlehem Veng YMA Hall-ah chuan National Health Mission (NHM) mission director Dr Lalbiakzuala'n thu sawiin, "TB hrik hi boruaka léng a ni a, mi dangin an hìp luh chuan taksaah a lut a, taksa a lo chak loh veleh kha hrik khan natna a siam ta a ni. Kan tin leh sam tih loh taksa pêng zawngah TB a vei theih vek a ni," a ti a; TB vei nia inringhlelte chu a rang lama an khâk entir turin a chah.

Free clinic-ah hian TB veite dinhmun en­nawnna hun hman a ni a, TB vei chhungkuaa mite tan screening neih a nih bakah, TB vei nia inringhlel eng emaw zat an inentir a ni.

Lawngtlaiah chuan World TB Day pualin kawng zawh a ni a, Aeropagy-ah inkhawm tawi buatsaih niin, LADC chief executive member V Zirsanga'n a hmanpui.

World TD Day pual hian nimin zing khan Mamit District Hospital-ah hun hman a ni a, Mamit DC Vanlalngaihsaka'n a hmanpui a; damdawi-in aṭanga High School Veng thleng kawngzawh a ni. Mamit district-ah hian kum 2003 aṭanga kumin thlenga TB vei hmuh chhuah tawh zat chu mi 772 an ni a, tunah hian TB vei mi 43 enkawl mek an ni.