Hnam dang nupui/pasal nei lo tura inzirtirna ni hmang

MZP General Headquarters chuan nimin khan Aizawla sikul hrang hrangah 'Hnam dang nupui/pasal nei lo tura inzirtirna ni' an hmang. Hetiang hun hi MZP chuan kum 2015 aṭang khan kum tin September 2-ah a hmang ṭhin a ni.

'Hnam dang nupui/pasal nei lo tura inzirtirna ni' hmang tur hian MZP hruaitute chu inṭhendarhin, Aizawla sikul hrang hrang an tlawh a, zirlaite chu nupui/pasal atan hnam dang nei lo tura zirtirin an fuih a ni.

MZP hruaitute chuan, "Mizote hi kan chhehvel hnam dangte nen tehkhin chuan hnam tlemtê kan ni a, kan hnam hi humhalh a ngai. Chîmralna laka kan hnam humhalhna turin hnam dang nupui pasalah i nei lo ang u," an ti.