Zalenna sualtute tel loin Mizo history a kim lo - Lalchamliana

MNF party NCC member Lalchamliana chuan nimin Mizo Hnam Rûnah 'Saizahawla Batallion' tih lehkhabu, Lalrokhawma ziah a tlangzarh a; thu sawiin, zalenna sualtute tel loin MNF a kim lo a, Mizo hnam history pawh a kim lo niin a sawi.

Lalchamliana chuan, Mizo hnam chanchin hriat chian a ṭul thu sawiin, "Tunlai chanchin chauh chawi vâwng hi a famkim lo. Zalenna sualtute tel loin MNF hi a kim lo a, Mizo hnam history pawh a kim lo. Mizoram freedom movement ziakah fimkhur a ngai a, hnam history tur a ni tih hriat a ṭul. Mi ṭhenkhat, tai nei ràna ziak an awm a, 'Saizahawla Batallion' hi chu ṭhangtharte tan lehkhabu hlu tak a ni ngei ang," a ti.

Inkhawmah hian MNF rammut laia Saizahawla Batallion-a mi 70 martarte zahna lantir nan minute khat chhung ngawi rengin an ding a ni.