Sikul ngaihven turin thuneitute duh

Mizoram Pradesh Congress Committee (MPCC) treasurer Dr Lalmalsawma Nghaka chuan nimin khan ITI Veng High School a tlawh a, sikul in ṭha tâwk lo chu sorkara thuneitute'n ngaihven thuai se a duh thu a sawi.

ITI Veng H/S hi kum 1992-a din a ni a, kuminah zirlai 70 leh zirtirtu 8 an awm mek. Adhoc grant-in-aid niin, kum 2023 inthlanpui hma deuh khan sorkarin sorkar sikula a hlàn kai zingah a tel a, mahse, sikul eng emaw zat dinhmun sanga hlan kaina chu sorkar tharin a sût avangin adhoc gran-in-aid a ni mek.

ITI Veng H/S building chhe tawh tak leh tui far nasa chu a ngaimawh thu leh sikul building thar sak dan chu ṭha lo a tih thu sawiin Dr Lalmalsawma chuan, "He sikul pawimawh tak leh zirlaite'n nasa taka rinna an ngahna sikul hi sorkara thuneitute'n ngaihven thuai turin kan duh,” a ti.