Serlui-B atan CATP fund la hmu lo

Environment & Forest minister Lalrinmawia Ralte chuan MNF member Lalrinawma zawhna chhangin, Serlui-B Hydel Project atan Catchment Area Treatment Plan (CATP) tur sum hmuh a la nih loh thu House a hrilh.

Lalrinmawia Ralte sawi danin, Serlui-B Hydel project atan kum 1987-ah forest clearance dil tawh a ni a, kum 1991-ah Central sorkarin a thuphungin a pawm a, mahse clearance pek a ni lo a; chutih laia CATP atana sum ruahman zat chu cheng vbc. 2.03 a ni. A tira project cost chu cheng vbc. 41.57 a ni.

Serlui-B HEP chu kum 1997-ah Mizoram sorkarin a titawp a, mahse MNF sor­karin kum 1999-ah a tharthawh leh a, sum rua­hman pawh cheng vbc. 191.13-ah tihsan a ni. July 2, 2012-ah sorkar laipuiah pawmpuina an dil a, forest clearance erawh dil a ni lo. Estimate tihsan a nih hnua CATP tur chu cheng vbc. 9 chuang hret a ni.

Lalrinmawia Ralte chuan, tuna a hlutna anga chhûtin, Serlui-B tuikhuah­in a chîm pil tâk thing leh maute chu tuiin a chîm pil hmain seng theih ang ang seng ni ta se, cheng vbc. 29 vel hmuhchhuah theih anga chhût a nih thu a sawi bawk.