Gender Budgeting chungchang zirho

Ministry of Women and Child Development chuan nimin khan ATI conference hall-ah ‘Gender Budgeting’ tih thupui zirhona an buat­saih a, chief secretary Lal­malsawma’n a hawng. Worsk­shop hi vawiinah chhun­zawm a ni ang.

Lalmalsawma chuan, hmeichhiate chawikân nan leh thuam chakna atan gender budgeting chu hmanraw ṭangkai tak a ni tih a sawi a, “Tun hmaa Mizo hnam nuna hmeichhiate dah hniam an nih laiin, tunah chuan kawng tinrengah an tel tawh a, politics lamah erawh an la tel tlem deuh,” a ti.

Hmeichhiate mawh­phurhna pawimawhzia sawiin Chief Secretary chuan, “Chhungkaw khaw­­saknaah pawh pa chauh ni lo, nu nen rorel tlan zel a pawimawh,” a ti a; mipa leh hmeichhia in­thliarna awm loa intluk­tlanna siam tura ṭan lak zel a pawimawh thu a sawi.

Himachal Pradesh Pri­­vate Educational Insti­tutes Regulatory Com­mission chairperson Sa­rojini Ganju pawhin thu sawiin, gender bud­get­ing chu hmei­chhiate tana budget hranpa siam lam a ni lo tih a sawi a, “Hmeichhiate chawi­kanna tur leh an mamawhte ngaihtuah chunga sum hman dan tur ruahman chungchang a ni,” a ti.

Workshop hi ATI direc­tor Ramdinliani’n a kaihruai a, sorkar depart­ment hrang hrang aṭangin officer 30 an tel a ni.