Intodelh thei turah ngai

Agriculture minister C Lalrinsanga chuan ZPM member Vanlal­hlana zawhna ziaka chhángin, ei leh barah Mizoram a intodelh thei tura ngaih a nih thu a tarlang.

C Lalrinsanga chuanb "Kan leilung, WRC leh tlang ram enkawl mekte tihchangtlun leh develop belhchhah bakah, khawl hmanga uar zawka lei leh, buh phun, seng leh a herna thlenga hmalakna kalpui tum niin, ṭhalaia phûrna leh chona nasa tak hian kháwl hmang phei chuan ṭum hnih lai buh thar theih beisei a ni," a ti.

Agriculture Minister tarlan danin, irrigation tihchangtlun rualin, tractor 79, power tiller 150, mini power tiller 12 leh buh phunna khawl 12 loneitute hnenah pek chhuah tawh a ni. Tractor 47, power tiller 150, mini power tiller 100 leh buh phunna khawl pek chhuah leh tum mek a ni.