Central Jail-ah free clinic buatsaih

National Programme for Prevention & Control of Cancer, Diabetes, Cardiovascular Diseases & Stroke (NPCDCS) leh National Programme for Prevention & Control of Deafness (NPPCD)
ṭangkawp chuan, nimin khan Central Jail-ah natna inkaichhawn theih loh, non-communica-ble disease (NCD) inhrilh-hriatna leh a thlawna inentirna an buatsaih.

NCD awareness cam-paign leh free clinic-a khuallian, Health minis-ter Lal Thanzara chuan, sorkarin a theih ang tâwka Central Jail mamawh phuhrûk tura ṭan a lak ṭhin thu sawiin, "Duh ang tawka hman tur sum leh pai a awm ṭhin loh avangin sorkar leh tángte duh ang zawng zawng chu tih theih loh chin a awm," a ti a; tángte mamawh zualte chu a remchan dan anga ngaihtuahsak zel a nih tur thu a sawi.

Inkhawmah hian Health Care Scheme hnuaiah Life Impri-son-ment Convict (Lifer)-te chu ziah luh an nih ve tawh bakah, smart card pawh an dawn tawh thu tarlan a ni a; NPCDCS leh NPPCD-a mite'n tángte hriselna dinhmun an enfiah.

Central Jail-ah hian tâng mi 708 an awm mek a, an zinga 63 chu hmeichhia an ni.