Skill Mizoram Week hman mek a ni

Labour, Employment & Industrial Training (LEIT) department chuan, July 11 aṭang khan Skill Mizoram Week an hmang mek a; vawiin hian World Youth Skills Day an hmang dawn.

LEIT secre-tary Ben-jamina chuan, sorkar laipuiin a duan chhuah National Skill Quali-fication Framework (NSQF) chu December 27, 2016 ral hmaa hman a ngaih dawn thu a sawi.

LEIT Secretary hian nimin khan Aizawl Press Club-ah thuthar theh-darhtute a kâwm a; vawiina an hman tur World Youth Skills Day chu United Nations (UN) General Assembly-in November 2014-a a rêl anga hman tur a nih thu leh, Day pualin Mizoramah chuan Skill Mizoram Week hman a nih thu a sawi.

Skill Mizoram Week hman chhan sawiin, Benjamina chuan, a tum ber chu ṭhalaite zinga zirna pangngai piah lama thiam thil (skill) neih a pawimawhzia hriattir leh kawng kawhhmuh a ni," a ti a; thiam thil nei turin technical leh vocational education leh training lamah sorkarin hma a la mek zel tih a sawi.

Benjamina chuan, skill development chu Prime Minister’s 15 Point Programme-ah telh a ni tih sawiin, "Hemi kalpui tur hian Central-ah nikum khan Ministry of Skill Development & Entrepreneurship din a ni," a ti a; Mizoramah pawh skill development lama hmasawnna turin vocational training provider (VTP) an awm nual tawh thu a sawi.

LEIT Secretary sawi danin, Central-in National Skill Qualification Framework (NSQF) a duang a, chu chu state tinah December 27, 2016 ral hmaa kalpui tur a ni. NSQF-in a tum chu - zirna pangngai leh thiam thil (skill) suih zawm a ni a, vocational training-a zir chhuakte chu zirna pangngaiah an tlukpui nen qualification ang khata ngaih tur a ni.

Zawhna chhangin Benjamina chuan, Indus-trial Training Institute (ITI)-a exam result-te chu Delhi lama khawih a nih avangin a chhuah hun thu-ah Mizorama ITI hotute'n tih vak theih an nei lo tih a sawi a; "Result an buaipui dan hi a felfai tawk lo a, Mizorama mite ang bawkin, India rama ITI 30,000 chuangin harsat-na an tawk a ni," tiin, sorkarin a chinfel dan tur kawng a zawn thu a sawi.

LEIT department hotute sawi danin, Mizo-rama ITI hrang hrangah zir theih (trade) 26 a awm a, Aizawl ITI bikah trade 23 a awm.