Sum hman dan tur ngaihtuah

Lunglei District Education Committee chu nimin khan Lunglei DC Abhijit Vijay Chaudhari hoin a pisaah an ṭhukhawm a; Lunglei district-a kum 2016-17 chhunga SSA Mission kalpui tura sum dawn first instalment hman dan turte an thlirho.

Lunglei SSA Mission DPC HS Zo-sangliana chuan, kum 2016-17 chhunga hman tur first instalment atan cheng nuai 397.60 an dawn thu a tarlang a; sum hmanna tura ruahmanna siamte chu DEC pawmpui turin chhawp-chhuah a nih thu sawiin, "Sorkar
aṭanga a hun taka sum dawn a nih ṭhin loh avangin duhthusamin hna kalpui theih a ni lo," a ti.

Meeting-ah hian Special Training Centres (Residential leh Non-Residential) enkawl nan cheng nuai 8.82, Inclusive Education (Children with Special Needs) atan cheng nuai 2.73, sikul 23 thawm ṭhat nan cheng nuai 109.77, Lungsen RD Block-a Kasturba Gandhi Balika Vidyalaya (KGBV) enkawl nan cheng nuai 4.66, inrelbawlna senso atan cheng nuai 17.79 leh zirtirtu hlawh atan cheng nuai 253.9 dah a nih thu tarlan a ni.

Committee chuan sum hmang tura ruahmanna siamte chu pawmpuiin, hnathawhte khaihlak loa sum a hun taka pek chhuah a nih theih nan thuneitu sang zawk hnenah thlen ni se, an ti.