Minister-in hall sak mek an tlawh

Finance minister Lalsawta leh UDPA minister Zodintluanga-te chuan, Nimin khan Saron Veng leh Armed Venga hall sak mek an tlawh a, hna thawh dan an enfiah.

Saron Veng YMA hall-a inkhawm buatsaih-ah Lalsawta chuan, Mizoram hmun hrang hrangah hall leh indoor stadium sak mek a nih thu sawiin, "Heng hmunte hi hmang
ṭangkai a, taksa insawizawi nan leh ṭhalaite'n humsual dái loa kawng dik an zawh theihna hmanrua a nih ka beisei," a ti a; in-fiamna lama tui mite tan an theihna tihpunna tur hmun rem chang a nih a rin thu a sawi.

Zodintluanga chuan, "Mizoramah hmasawnna ruhrel din mek a ni a, din zel pawh sorkar chuan a tum. Hlawhtling tak tak tur chuan sorkarin infiammite tana kawng a hawnsak hi bawhpelh lo a, taimakna leh ṭhahnemngaihna nen theihtawp chhuaha mimalin ṭan an lak ngai," a ti.

Armed Venga hall sak hi cheng nuai 650 sênna sak tur a ni a, October 2015-ah sak ṭan niin, March 2017-a zawh theih beisei a ni. Mizo chhiara chhawng thum a ni a, basketball court, badminton court pathum, skill development room leh motor park-na hmun a awm dawn a ni.

Saron Veng indoor stadium chu cheng nuai 550 senna tur a ni a, chawlh-kar 20 chhunga sak zawh tura ruahman niin, kum khat chhungin an zo dawn. Hall hi chhawng thum tur a ni a, badminton court pahnih, meeting room, table tennis khelhna leh thil dang a awm ang.